بدون بيض بدون لبن قرنبيط مقرمش جدا صيامى
ولادك مش بيحبوا القرنبيط ومش عايزين يأكلوا منه علشان ريحته وعلشان البيض الموجود فيه وتعبتى من كتر الواصفات مع واصفة القرنبيط دى هتكون غير اى واصفة جربتيها من قريب أو من بعيد ده انتى كمان هتقولى عليها لاصحابك وكل معارفك علشان هما كمان يعملوها لأولادهم لما فيها من فوائد صحية وقيمة غذائية عالية
مكونات الواصفة
- عدد واحدة قرنبيط متوسطة الحجم
- عدد واحد كوب الا ربع دقيق قمح (طحين)
- عدد واحد كوب الا ربع دقيق ذره
- عدد نصف كوب رز مطحون وناعم جدا
- عدد نصف ملعقة بيكنج بودر
- عدد واحد حزمة شبت
- عدد واحد حزمة كزبرة خضرا
- عدد واحد حزمة بقدونس
- ويكمن الاستغناء عنهم
- عدد نصف ملعقة ثوم بودر
- عدد نصف ملعقة بصل بودر
- عدد نصف ملعقة كركم
- عدد نصف ملعقة صغيرة ملح
- عدد نصف ملعقة صغيرة فلفل اسود
- عدد نصف ملعقة صغيرة شطة ويمكن الاستغناء عنها
- عدد نصف ملعقة صغيرة كزبرة ناشفة
- عدد واحد كوب مياه غازية بدون لون
- زيت غزير للتحمير او قلاية كهربائيه أو قلاية هوائيه حسب المتاح
طريقة التحضير
- يغسل القرنبيط جيدا بالماء الجارى ويقطع إلى قطع صغيرة أو كبيرة على حسب الرغبة
- يوضع اناء على النار وبه ماء مغلي
- يتم إضافة القرنبيط إليه حتى يصبح نصف تسوية
- ثم يصفى جيدا من الماء الساخن
- ثم نبدأ بإعداد الخليط
- نحضر اناء كبير ثم نضع كوب الا ربع دقيق قمح طحين
- ثم نضع كوب الا ربع دقيق ذره
- ثم نضع نصف كوب رز مطحون وناعم جدا
- ثم نضع التوابل البصل البودر
- الثوم البودر
- الكركم
- الفلفل الاسود
- الشطة
- الكزبرة الخضرا
- الشبت
- الملح
- البيكنج بودر
- ويقلب جيد جدا جدا
- ثم نبدأ بأضافة كوب المياه الغازية يقلب الخليط جيد جدا حتى يصبح الخليط متجانس ومتوسط القوام
- ثم نبدأ بغمر قطعة القرنبيط بالخليط
- ثم نبدأ بالتحمير حتى يصبح لونها ذهبي فاتح او غامق على حسب ايهما تفضلين حتى يتم عمل كل الكمية الموجودة
- تقدم مع كاتشب أو مع سلطة طحينة أو مع طبق سلطة خضراء ممكن رش سمسم على الوجه وبالهنا والشفا
شارك
تعليقات