مي فاروق.. تصدر اسم الفنانة مي فاروق، تريند جوجل خلال الساعات الماضية، وذلك بعد احتفالها بإنهاء ابنتها «زينة» مرحلة التعليم الثانوي واستعدادها لدخول مرحلة الجامعة.

ونشرت مي فاروق، عبر حسابها على «إنستجرام»، مجموعة صور ومن حفل تخرج ابنتها من المرحلة الثانوية وعلقت قائلة: «أسعد أيام حياتي.. يمكن أحلى لحظة فيها، من أول يوم مدرسة لزينة وأنا منتظرة اللحظة دي، وزي ما فرحت قلبي، لازم أشارك فرحتي معاكم».

وتابعت مي فاروق: «زينة كبرت وفرحت قلبي وتخرجت من المدرسة وبقت عروسة في الجامعة خلاص، أنا مش عارفه اوصف قوي الشعور بس أنا نجحت أنا اللي نجحت كبرت وربيت وفرحت بأكبر وأهم إنجاز».

وأضافت: «لازم أقولك قدام الدنيا أنا فخورة أنك بنتي وحبيبتي، فخورة بنجاحك رغم كل حاجه وأي حاجه ممكن تكون عدت علينا، ومتشرفة أنك انتي ومالك ولادي، يارب أشوفك أنجح وأهم وأعلى دايما، يارب أشوفك أنجح وأهم وأعلى دايما وأعيش وأشوفك بتحققي كل أحلامك وأفرح اكتر منك».

آخر أعمال مي فاروق

أطلقت مي فاروق مؤخرا أغنية جديدة من أغاني ألبومها «تاريخى» تحمل اسم «بنات الخلق»، وذلك عبر موقع الفيديوهات «يوتيوب»، ومختلف منصات الموسيقى.

والأغنية من كلمات عبد الرحمن محمد، وألحان مدين، وتوزيع موسيقى يحى يوسف، هندسه صوتيه وميكس وماستر مصطفي رؤوف، جيتار مصطفى أصلان.

وجاءت كلمات أغنية «بنات الخلق» كالتالي:.

«بتبعد عن عيون الناس.. وحابسة نفسها في أوضة

بتتجرد من الإحساس.. تشوفها تقول دي محسودة

ده حتى قلبها الأبيض.. بقى جواه نقط سودا

طريق الحب ضيعها وما وصلهاش.. لبيت جواه أمان مليان بأحلامها

بقت واحدة تبصلها متعرفهاش.. بقت حاسه إن كل الناس هتألمها

بتتنفس عشان تفضل مع العايشين.. طبيعي تعيش حياة صعبة

ويا اللي غاوي تتسلى بقلوب عاشقين.. بنات الخلق مش لعبة

طريق الحب ضيعها وما وصلهاش.. لبيت جواه أمان مليان بأحلامها

بقت واحدة تبصلها متعرفهاش.. بقت حاسه إن كل الناس هتألمها».

اقرأ أيضاً
«ثلاثة في واحد».. فتحي عبد الوهاب يبدأ تصوير أجدد أعماله السينمائية

نور عمرو دياب تدعم والدها قبل طرح ألبوم «ابتدينا» وترد على توتر العلاقة بينهما