اسمحولى قرائي الأعزاء التحدث بالعامية فى هذة المقالة:

أي طفل بيحب اللعب - أي لعب - كل طفل لازم يلعب حتى لو مفيش ألعاب مجسمة أمامه.

منهم بيحب يلعب بالعربيات، ومنهم بيحب يجرى ويتنطط، ومنهم بيحب يلعب مع صحابه، ومنهم بيحب يلعب لوحده، والبنات ممكن يلعبوا بالعرائس، وهكذا.

لكن طريقة لعب الأطفال واختيار اللعبة مهم عشان يكون من وراها استفادة حسب نوع الطفل ولد أو بنت وسنه وفهمه، وميتحولش اللعب لفوضى ومضايقة إللى حواليه.

إزاى يكون اللعب مفيد؟

١- اختار ألعاب مختلفة عشان الطفل ميملش.

٢- خلي طفلك يختار بنفسه ومتجبروش، يكفى نصحه وسيبه يفكر.

٣- ممكن تنوع الألعاب من حركي إلى ألعاب تنمية العقل ولعب حر وألعاب جماعية لتنمية مهارات الطفل فى مختلف المجالات.

٤- المكعبات والكرة والدمى والبازل والسباحة والرسم والموسيقى وممارسة الرياضة عموما حسب كل طفل، جميعها ألعاب مختلفة وشيقة ومفيدة.

٥- تذكر إن كل طفل له ميوله وليس جميعهم يحبون نفس الألعاب فراعي ذلك.

٦- من المهم أن تساعد طفلك أن يبدع ويفكر فى تصميم لعبة ليصبح طفلا مبدعا.

٧- إن كسر لعبة دون قصد فلا تحمله أكثر من الحدث، فهى طريقته فى الاستكشاف، وإن كررها مع العلم بخطئه فاسحبها منه وليكن تعويضه عنها صعبا حتى لا يكرر خطأه.

٨- لا تعتمد على ألعاب الموبايل لتفادى مضاره.