حقق حفل الفنانة مي فاروق، الذي أقيم ضمن فعاليات مهرجان قرطاج الدولي في تونس، نجاحا كبيرا لتتصدر تريند جوجل خلال الساعات الماضية.

ومن جانبها شاركت مي فاروق، جمهورها ومتابعيها، عبر حسابها بموقع«إنستجرام»، صورا من حفلها ضمن فعاليات مهرجان قرطاج الدولي في تونس، وعلقت: «ليلة من العمر في تونس الخضرا.. على مسرح قرطاج العريق اللي بيحمل تاريخ وحكايات عظيمة».

ووجهت مي رسالة مليئة بالحب إلى جمهورها بتونس، قائلة: «الجمهور التونسي العظيم، أنتم الأسطورة الحقيقية، أنتم اللي خليتوا الليلة دي تبقى مليانة حب وغُنا وفرح، استقبالكم وتشجيعكم ليا خلاني أحس إني وسط أهلي وناسي».

واستكملت: «شكر خاص للسفارة المصرية في تونس والسفير باسم حسن على التكريم والاستقبال اللي فوق الوصف، شرفتوني ورفعتوا راسي.. تونس الغالية.. حبي ليكي ملوش حدود، ووعد إن دي مش آخر مرة نغني ونفرح سوا».

آخر أعمال مي فاروق

طرحت المطربة مي فاروق، مؤخرا أغنية جديدة من ألبومها «تاريخي» بعنوان «أنا اللي مشيت»، وذلك عبر موقع الفيديوهات «اليوتيوب»، وجميع المنصات الرقمية، ومحطات الراديو.

وأغنية «أنا اللي مشيت» لـ مي فاروق، من كلمات: تامر حسين، وألحان: مدين، وتوزيع موسيقى وميكس وماستر: توما، ومن توزيع شركة «ديجيتال ساوند».

وجاءت كلمات أغنية «أنا اللي مشيت»، معبرة عن اقع المرأة القوية التي ترفض الانكسار، وتعتز بالكبرياء، في علاقة حب غير متوازنة، وتضع حدًا للخذلان، وتتجه إلى الاستقلال.

وتقول كلمات أغنية «أنا اللى مشيت» التالي:

«أنا اللي مشيت وسبَّقت

لقيت الوضع ما عجبنيش

طريقته كمان ما ناسبتنيش

وفرصه وجت ماصدقت

لا عُمري وقفت في الصف

ولا أتعامل بسوء تقدير

مشيت علشان مقامي كبير

ومش مركونه ع الرَّف

أنا كبريائي معاك خلاني

أستسهل وأنسى اللي بينساني

ما عيشي تاني لأناني واضحي ليه

لا عمري هاقول ياحبيبي تعالى

أنا مش بصفى بسرعه وشياله

اللي بيتعالى هتعالى وأدوس عليه

على المواضيع دي قفلت

ده آخره معاملة باستهتار

ده يوم مافارقته ضحك هزار

وجبت صحابي حفلت

خلصت خلاص من الهم

وفوقت لنفسي واحلويت

ده لو جاني هاقول له نسيت

ولا يقدر يقول بِّم».

اقرأ أيضاً
لم تشيّع جثمان تيمور تيمور.. عدة جنازات اعتذرت يسرا عن حضورها

محمد مهران طبيب جراح بمسلسل بنج كلي

بعد رحيله.. عمرو سلامة يكشف عن الجانب الإنساني في حياة تيمور تيمور