استمراراً لحملتها #صحح_مفاهيمك التى تتبناها وزارة الاوقاف بهدف  تصحيح المفاهيم والسلوكيات الخاطئة المنتشرة في المجتمع، وتعزيز القيم الإيجابية  

نشرت وزارة الاوقاف عبر صفحتها الرسمية بصيغة لغوية مٌبسطة  التصحيح السلوكى للمزاح المُحرم "الهزار" حيث افادت التالى 

الهزار الحلو بيقرب، لكن لما يتعدى حدوده بيجرح.

تضحك على شكل حد؟ لهجته؟ فقره؟ دينه؟… ده مش هزار، ده تنمر.

وربنا خلق الناس مختلفين لحكمة، مش عشان يبقوا مادة للضحك.
تخيل نفسك مكان اللي بيتريقوا عليه… هتضحك؟

الكلمة المؤذية بتكسر، حتى لو اتقالت بهزار.

وسيدنا النبي ﷺ قال: "بحسب امرئ من الشر أن يحقر أخاه المسلم" [رواه البخاري].

أما الدين فمينفعش أبدًا يكون مادة للهزار سواء دينك أو دين غيرك..
السخرية بالدين بتفتح أبواب للعداوة، وربنا أمرنا بالاحترام حتى في الخلاف.

الكلمة الطيبة بتبني، والكلمة الجارحة بتهد.

وربنا قال:
"يا أيها الذين آمنوا لا يسخر قوم من قوم عسى أن يكونوا خيرًا منهم" [الحجرات: ١١]

اسأل نفسك بصدق:

هل بتضحك "مع" الناس… ولا "على" الناس؟
جرب تبقى سبب فرحة، مش سبب أذى.
امدح، شجّع، ساعد… وابدأ بتحدي:
يوم واحد من غير سخرية… بس كلام طيب.

وأختتمت الوزار نصيحتها بدعاء

اللهم زيِّنَّا بأحسن الأخلاق، واهدِ ألسنتنا إلى ذكرك، واملأ قلوبنا بشكرك، وامنحنا أدبًا في القول، ورحمةً في الفعل، ورفقًا في المعاملة، إنك سميع قريب مجيب.

يمكنك مشاركة الخبر علي صفحات التواصل