كشف الفنان عبدالمنعم المرصفي عن أكثر المواقف الصعبة في حياته، مؤكدًا أن وفاة زوجته متأثرة بمرض السرطان، كان بمثابة ضربة قوية في حياته.

وقال خلال حلوله ضيفًا على برنامج بنظرة تانية، الذي يقدمه محمود الجلفي: «مراتي كانت بتعاني من السرطان وجت في آخر فترة دخلت المستشفى وفلوسنا خلصت لكن اتفاجئت إن النقابة وقفت معايا ودكتور أشرف زكي ساعدني وفتح لينا الميزانية، ولكن قضاء ربنا نفذ».

وتابع: أشرف زكي شخص متواضع جدا، وأول ما ترن عليه يرد أيوة يااستاذ فلان اتفضل، وبيساعد من غير تفكير، وفكرة اننا مش لاقيين شغل هو مش هيفرض على المخرج يختار مين، وأنا بحبه وبحترمه جدًا.

وعن قرار وقف مشاهير التيك توك عن العمل في الوسط الفني، أشار إلى أنه قرار هام للغاية للسيطرة على الأمر، ولكن هناك دخلاء على المهنة دون موهبة، قائلًا: «اللي ظابط واللي دكتور بيسيب شغلانته وييجي يشتغل في التمثيل، واحنا ملناش شغلانة غيره وهو مصدر رزقنا الوحيد، ولو مفيش شغل بستلف لحد ما ربنا يرزقني».

وأكد على ضرورة اهتمام المخرجين بالفنانين الكبار القادرين على العطاء الفني وإعطاء الفرصة لهم كاملة للمشاركة والعمل في كل موسم.

موعد عرض برنامج بنظرة تانية

برنامج بنظرة تانية، تقديم محمود الجلفي، يعرض على قناة الشمس الزرقا، كل يوم خميس الساعة الثالثة عصرًا.