رسالة خاصة من حمزة علاء لجماهير الأهلي ولاعبي القلعة الحمراء - الكويت الاخباري

حرص حمزة علاء، حارس مرمى النادي الأهلي والمنتخب الأولمبي السابق، على توجيه رسالة خاصة لجماهير الفريق الأحمر وزملائه السابقين بالفريق، بالإضافة إلى مجلس إدارة القلعة الحمراء، وذلك بعد رحيله عن الفريق بنهاية الموسم المنصرم.

وكتب «علاء» في منشور عبر حسابه الرسمي على موقع التواصل الاجتماعي «فيسبوك»: «أكيد الكلام جاي متأخر وعشان كده حابب أعتذر، من حوالي شهر أخدت أصعب قرار في حياتي، وهو إني أسيب بيتي بعد 16 سنة من عمري قضيتهم في النادي الأهلي».

وأضاف: «قرار الرحيل كان صعب لكن كان لازم أن أفكر في مستقبلي. يمكن الفرصة مجتش زي ما كنت أتمنى بس كل حاجة بتحصل بيبقي ربنا كاتبها ورب الخير لا يأتي إلا بالخير، لجمهور النادي الأهلي العظيم محبتكم وشكركم عمرهم ما كانوا مرتبطين بعدد الدقايق اللي لعبتها دايما كنتوا سند في كل لحظة».

وأوضح: «في كل بطولة.. حسيت معاكم إني أحسن حارس في العالم وأنا بلعب في بطوله افريقيا والاولمبياد، كل اللي طلبته، إنكم تفضلوا فاكرين إني كنت واحد منكم و ابن من ابناء النادي الأهلي».

وزاد: «لإدارة النادي بقيادته الكابتن محمود الخطيب، شكرًا على كل لحظة حسيت فيها إني جزء من الكيان.. لزمايلي إنتوا إخواتي وعيلتي اللي عمري ما هنسي أيامها وبتمني ليكم كل التوفيق والنجاح».

وواصل: «لكل مدرب اتمرنت معاه داخل النادي، شكراً من كل قلبي على كل لحظة دعمتوني فيها أو علمتوني فيها حاجة، ولكل عامل تشرفت بالشغل معاه انتم عارفين معزتكم عندي».

واختتم: «لشعب الأهلي هفضل دائمًا مشجع للكيان من قلب التالتة شمال ويا رب أرفع راسكم وأكون عند حسن ظنكم في خطوتي الجاية وتكونوا دائمًا في ضهري وسند ليا زي ما طول عمركم عودتوني.. أشوف وشكم علي خير.. ابنكم حمزة علاء».