شوبير يعلق على نظام الدوري في الموسم الجديد - الكويت الاخباري

يأتي ذلك بعد اجتماع مجلس الرابطة مع الأندية، خلال الساعات الأخيرة، الذي شهد العديد من القرارات المهمة.

قال شوبير في تصريحات إذاعية عبر برنامج «مع شوبير»، المُذاع عبر «أون سبورت إف إم»: «أحد المسئولين قالي إن اتحاد الكرة هو من يحدد شكل المسابقة والصعود والهبوط، ورابطة الأندية بتقول إن دورها إدارة المسابقة، والأندية طلبت تجديد الثقة عشان كده معملوش انتخابات».

وأضاف: «اشتري مني زي ما قولت لك قبل شهرين إنه هيتم إلغاء الهبوط، أنا بحب الالتزام باللوائح وهتكلم كلام يوجع شوية، اتحاد الكرة من حقه يعمل اللي عايزه في الدرجات الأدنى تحت الدوري الممتاز، فعندك دوي المحترفين اللي من 20 نادي وناجح جدا، هيقول لك ليه معملش نفس النظام اللي حصل في الممتاز، في دوري المحترفين، مش أنت كرابطة أرضيت أندية الدوري الممتاز، ليه ما أعملش كده أنا كمان وألغي الهبوط في المحترفين».

يمكنك مشاركة الخبر علي صفحات التواصل